بسيط لدرجة التعقيد

~ !! بسيـــط ... لدرجـــة التعقيـــد !! ~

بسم الله الرحمن الرحيم
السلام عليكم ورحمة الله وبركاته

بسيط لدرجة التعقيد
لو كل عقول الدنيا تحاول تفهم عقلى صعب لأنه بير غويط
مريض بفكرى بعقلى بذهنى بقلبى
بكل نقطة دم فيها ألم وهَم بيجرى فى الوريد
حكمة رب الألباب لو وسط ألف اكون وحيد
لو شفت باب قريب اسيبه وادور على البعيد
عنيد ولا كل العند كفر دقت المر داء الصبر
باقى العمر مش هيمر وانا مكتوفى الايد
هفضل أجاهد وأناضل ولمبادئى هموت شهيد
لأنى حر ومش هعيش طريد وسط العبيد
لأنى شفت الشده واللى يشوفها بيبقى شديد
قادر أجُر الحمل اللى فوق كتافى عمال بيزيد
مش جديد أحلم ويكون حلمى مصيره التبديد
لو عملوا بنك فى سوء الحظ فأنا ليا أكبر رصيد
لكنى هفضل مستميت مش هقبل انى اكون شريد
وسيلتى انى اقضى على التهديد هو كلامى سلاحى المميت

بسيط .. لدرجة التعقيد
مش همشى قبل ماسيب ورايا تاريخ مجيد
بسيط .. لدرجة التعقيد
عمرى فى يوم مابيأس طول مافى شمس يوم جديد

سبحان من وزع الأرزاق ماكانش حد قنوع برزقه
ولما وزع العقول كله اقتنع وحب عقله
فى اللى تقابلوا طريقهم واحد واللى استحاله يتقابلوا
فى اللى واقفين كتف بكتف واللى فى الكُره بيتبادلوا
واللى بيشترى عداوتى بقوله احسنله يراجع نفسه
مانصحوش انه يعادى واحد فى الأصل عدو نفسه
خد عبره من اللى قبلك كنت تحت رجلى دايسه
ولو مصمم ده قرارك وانت اللى فى ايدك حاسمه
مش هقول هعمل واسوى اللى بيتكلم انسى فعله
واللى بيعمل مابيتكلم لأنه واثق من نفسه
واللى مفكر انه بيهدم يحفر حفره وليها يردم
يقضى عليا ويعدم اسمى يبقى واهم عايش فى وهمه
هيكون زى الدبور اللى خرب عشه بكتر زنه
هيتوه جوا المتاهه فى لغز مش لاقى اللى يحله
لو كان حديد هفِله .. لو كان طاعون هعِله
لو مش عارفنى اسأل عنى هيقولولك انه

بسيط .. لدرجة التعقيد
مش همشى قبل ماسيب ورايا تاريخ مجيد
بسيط .. لدرجة التعقيد
عمرى فى يوم مابيأس طول مافى شمس يوم جديد

بسيط واللى وصلتله ماكانش صدفه كان مقصود
لأن عزيمتى بركان قايد عمره مايعرف الخمود
تفكيرى ثورى قمت بثوره فكك الجمود
زعت البيان اعلنت ان صوتى هيسمعه الوجود
وصداه هيسمع الأصم يخلى الأعمى نظره يعود
ويخلى الغايب يحضر ويرجع كل معنى مفقود
والعاجز يقدر والقادر يبقى مهدود
ويفك عقدة كل لسان ساكت مشلول مربوط
شايل أمانه عشان اوصلها بذلت اقصى مجهود
وماجبتش لسه أخرى والأيام عليا شهود
مابين كل الموجود هكون وتر مشدود
هتلاقونى دايما فى حالة رباط زى الجنود
لوحدى فى جبهه بحارب فيها والاستسلام مرفوض
مش هسكت غير فى يوم موعود لما ادوق الموت
أكون جسمى فى كفن ملفوف تحت التراب محطوط
او بمعنى تانى هيقف كلامى لما ياكل لحمى الدود

بسيط .. لدرجة التعقيد
مش همشى قبل ماسيب ورايا تاريخ مجيد
بسيط .. لدرجة التعقيد
عمرى فى يوم مابيأس طول مافى شمس يوم جديد

Song By : C.Zar
Edit By : Venom
Wrestling Legend Fourm
2010

المصدر: منتديات اسطورة المصارعة The Wrestling Legend

منقوووووووووووووووووول

والله العضيم اني قريته
بس ما فهمت هههههههههههه
يسلموووووووووووووووووووو

الله ابو بيضه يجننن

ابو بيضه بعينك ياحمااار

ايش الكلام ذاا عيب عليك