بكرة الصبح لو فتحت الشباك .. ممكن تلاقى الصين !! | أخر تحديث: 03/09/2010 04:52 مطبعاً ممكن تفتكر إننا " بنهزر " أو بنتكلم بشكل غير مباشر عن غزو المنتجات الصينية للسوق المصرية أو حتي هجوم تاجرات الشنطة الصينيات علي بيوتنا ، لكن المفاجأة إننا قصدنا العنوان .. وبكل دقة !
كتبت : شيماء ممدوح
الحكاية إنك قريب قوي هتصحى من النوم الصبح ... وتفتح الشباك ... وهتلاقي مدينة صينية طايرة في السمـــــــاء و فيها أكثر من 15 ألف صيني عايشين حياتهم عادي جدا ... فين و ليه و إزاي ، ده اللي هنعرفوا في السطور الجاية ..
الابتكار الصيني المرة دي مش في الصناعة ولا التجارة ، المرة دي في مجال " العمارة " ، الصين ابتكرت تصميماً جديداً لمدينة "تطير في السمـا " وأسمتها " سوبر ستار المدينة الطائرة " ، وهذه المدينة تعتبر فعلاً تحفة معمارية تتسع لأكثر من 15 ألف شخص ، وهي تستطيع الطيران والتجول في انحاء العالم بعد تماماً كالطائرات .
هذه المدينة ستحتوي على كل ما يخطر في بال أي انسان في العالم ... و طبعاً سكانها سيتميزون بحياة مترفة جداً بداية من المنـازل و المستشفيات المتقدمة .. وكمان مدارس بأحدث النظم التعليمية العالمية ، وسلسلة من أشهر المطاعم العالمية و البحيرات الصناعية والصالات الرياضية ... وكل ده عشان سكان و زوار المدينة يتفرغوا فقط للأستمتاع بالدوران حول العالم وهم في بيوتهم ! .
الفكرة دي من تصميم مكتب معماري في بكين أسمه " Mad " و واضح جدا ان المكتب اسم على مسمى لأن الفكرة " مجنونة " ، والحكومة الصينية تشجع جدا هذا المشروع و اعلنت في اكثر من مناسبة انه رغم المليارات التي سيتكلفها هذا المشروع اٍلا ان المكاسب السياحية ستكون عشرات بل مئات أضعاف التكلفة ، كما قالت ان هذا المشروع سيضع الصين في الصدارة .
